Working Group Minutes / Canola / 12 Junie 2014

Notule

Canolawerkgroepvergadering

gehou te Elsenburg op 12 Junie 2014



  1. Opening en verwelkoming

    Die vergadering word deur mnr Scholtemeijer met gebed geopen. Hy verwelkom almal teenwoordig.

  2. Presensie

    Teenwoordig

    Mnr GJH Scholtemeijer PNS (Voorsitter)
    Dr J de Kock PNS
    Mnr AP Theron PNS
    Mnr JG Loubser PNS
    Mnr G Keun PNS
    Mnr C Cumming PNS
    Mnr I Slabbert DLWK
    Mnr P Laubscher Overberg Agri
    Mnr P Fouché Phyto Energ
    Mnr F le Roux SOILL
    Mnr L Coetzee Kaap Agri
    Mnr DT Wessels GSA
    Me L Smorenburg DLWK
    Dr J Strauss DLWK
    Mnr D Hanekom Agricol
    Prof A Agenbag US
    Dr A Malan US
    Dr S Lamprecht LNR-NIPB
    Dr G Tribe (PNS)
    Me L van Zyl Sekretariaat

    Verskoning vir afwesigheid

    Dr I Trautman DLWK
    Me A Swanepoel DLWK
    Mnr G Conradie SKOG
    Mnr P Lombard DLWK
    Mnr K Becker SOILL
    Mnr H Cerfonteyn DLWK
    Mnr C Louw GSA
    Mnr JWP Bruwer Bayer
    Mnr JCG van Niekerk MKB / Overberg Agri
    Mnr M Heydorn CBK
    Mnr J McDermott Du Pont / Pioneer
    Mnr P Burger Overberg Agri

  3. Personalia

    Mnr Heydorn word 'n spoedige herstel na sy operasie toegewens.

  4. Vasstelling van die sakelys

    Geen nuwe sake.

  5. Notule van die vorige vergadering

    Die notule van die vergadering gehou op 10 April 2014 word as gelese beskou en goedgekeur.

  6. Algemene oorsig

    1. SAGIS Inligting

      Daar word besluit dat die jongste inligting (25 Maart 2014) soos deur SAGIS verskaf, aanvaar word

      • Canola supply and demand table (26 Mei 2014) – gelewer 2013/14 seisoen = 111 091ton
      • Maandelikse data
      • Weeklikse bulletin
    2. Oesskatting

      Die NOK oppervlakte en produksieskatting soos op 24 April en 27 Mei 2014 is ter inligting by die sakelys aangeheg:

      Voorneme om te plant 2014 = 80 000 ha

      Volgens die landboubesighede is die volgende aanplantings gemaak:

      Kaap Agri naby 20 000 ha
      SSK naby 34 000
      Overberg Agri naby 30 000
      Totaal geskat naby 84 000 ha

    3. Winterreënstreek

      Swartland / Suid-Kaap

      Daar word rapporteer dat

      • aanplantings in die Swartland goed lyk, alles het gelyk opgekom, (min reën in Mei);
      • daar verwag kan word dat produsente wat vir die eerste keer canola geplant het, nog deur 'n leerkurwe sal moet gaan;
      • aanplantings in die Suid-Kaap goed gevestig het – plae en insekte is redelik onder beheer as gevolg van voorkomende optrede.
    4. Somerreënstreek / Oos-Kaap / Ander

      Neem kennis dat klein aanplantings by Beestekraal gemaak is.

    5. Prysinligting

      Neem kennis dat die waarde van canola afgelei van sojaboon-oliekoek (47% proteïen) geland in Kaapstad op 28 Mei 2014 soos volg daar uitsien:

      47% Proteïen teen 'n waarde van R 6 973/ ton teen 'n wisselkoers van R10.77.

      Relatiewe waarde van volvet canola is dus:

      Pluimvee (94%) R6 555 per ton
      Varke (100%) R6 973 per ton
      Suiwel (58%) R4 044 per ton

      Die relatiewe waarde van canola oliekoek is dus:

      Pluimvee (53%) R3 696 per ton
      Varke (65%) R4 532 per ton
      Suiwel (60%) R4 184 per ton
    6. Weervooruitskatting

      Neem kennis dat mnr Cerfonteyn soos volg rapporteer:

      "El Nino begin effens kop uitsteek, wat moontlik droër somerreënval toestande vir die binneland kan beteken. Die verskynsel kan wel terugkeer na neutrale toestande.

      Voorspellings vir die periode Junie tot Augustus:
      Volgens SA Weerdiens (27 Mei vrystelling): geen buitengewone reënval vir die Wes-Kaap voorspel en daar is tot 45% kans vir onder normale maksimum temperature in die graangebiede.

      Volgens Universiteit Kaapstad GFCSA (Mei vrystelling): bo-normale reënval toestande vir Augustus in die Weskus en omringende gebiede."

      Besluit dat mnr Cerfonteyn vir volledigheidshalwe moet aandui wat die "normale" reënval per maand per gebied is en ook die temperature vir ooreenstemmende tydperke by die verslag moet insluit.

      Mnr Cerfonteyn

  7. Navorsing

    1. Nasionale Cultivarproewe 2013/2014

      Neem kennis dat die nasionale proefaanplantings almal betyds afgehandel kon word en afgesien van nagmuisskade by een proef, die stande baie goed is.

      Mnr Lombard

  8. Tegnologie oordrag

    1. Canolafokus

      Afskrifte van die April Canolafokus is by die sakelys aangeheg en 'n verdere uitgawe het in Mei verskyn (beheer van slakke en residu van sulfoniel-urea in die grond).

      Daar word voorgestel dat die redaksie 'n artikel oor die risikos verbonde aan die afwyking van die aanbevole rotasiestelsel (veral ten opsigte van swartstam) moet oorweeg. Verskillende cultivars het verskillende swartstamweerstandbiedendheid, bestuurstyle sal dus verskil.

      Dit is nie seker hoe die swartstam swamme tussen rotasies in die stoppels oorleef nie en watter spesies plaaslik voorkom nie.

      Daar is by die Registrateur vir registrasie van die chemiese middel teen swartstam, wat tans beskikbaar is, aansoek gedoen.

      Daar word besluit dat prof Agenbag namens die redaksie sal ondersoek instel na die risiko vir siektes, veral swartstam, wanneer daar van die aanbevole wisselbou rotasiestelsel afgewyk sou word, en in die volgende Canolafokus daaroor rapporteer.

      A Agenbag

    2. Inligtingsdae 2014


      Bewaringslandbou Simposium buite Durbanville 5-7 Augustus
      Proefbesoek Suid-Kaap 19 Augustus
      SKOG dag 21 Augustus
      Besoeker uit Australië / Swellendam 27 Augustus
      Besoeker uit Australië / Moorreesburg 28 Augustus
      Roodebloem 28 Augustus
      Riversdal 3 September
      Proefbesoek Swartland 9 September
      Agri Mega Week 17-20 September
      GSA Graandebat 18 September tydens Agri Mega Week

      Almal

    3. Residu van Sulfoniel-Urea in grond

      Neem kennis dat die inligting oor residu van sulfonielurea in die grond en onthoudingsperiodes in die Mei Canolafokus publiseer is.

    4. Slakskade

      Dr A Malan gee toeligting oor die PNS projek insake die gebruik van nematodes vir die biologiese beheer van lewende landslakke, sonder dat dit negatiewe reaksie op die omgewing sal hê. Nematodes is reeds in die buiteland beskikbaar maar daar is nog nie Regeringstoestemming om dit in die land in te bring nie. Daar is deur 'n proses 'n inheemse nematode identifiseer wat sonder risiko vir inheemse slakke (dop- en naakslakke) gebruik kan word. Volgens voorlopige resultate laat die nematode die naakslakke ophou voed en die slakke vrek dan binne ongeveer 21 dae. Die nematode kan net in vogtige omstandighede gebruik word.

      Dr Malan sal die vergadering op hoogte van vordering hou.

      Dr Malan

      Dr Tribe rapporteer oor die groter voorkoms van slakke wat die afgelope tyd aangemeld is. Dit kan toegeskryf word aan die feit dat dit oor lang periodes (soos die afgelope Mei maand) nie reën en dan weer begin reën. ("stop-start-rain"). Daar moet in gedagte gehou word dat 80% van die sogenaamde slakskade eintlik deur isopode aangerig word. Produsente word weer daarop gewys dat voorkomende maatreëls op die regte tyd die beste beheer verseker.

      Daar word ook rapporteer dat die toringslak (wat baie klein is) en duine-slakke wat op die plante voorkom, probleme by oes en graderings meebring.

      Graderingsmaatreëls bepaal dat geen lewende insek op canola mag voorkom nie. Beheer van bogenoemde slakke is moeilik omdat hulle op die plant leef en nie met die slakpille op die grond in aanraking kom nie.

      Daar word besluit dat dr De Kock lektuur sal nagaan en met die besoeker uit Australië wat die PNS in Augustus besoek, sal konsulteer oor die voorkoms en hantering van toring- en duineslakke elders in die canolaproduserende lande.

      Dr De Kock

  9. Behoeftes van

    1. Mark – canola

      1. Generiese reklame

        Daar word gerapporteer dat PNS voortgaan met generiese reklame (hele waardeketting).

        Inligtingsakke met alle nodige inligtingsdokumente is by Prof Agenbag beskikbaar.

        Lede word versoek om enige interessante video-opnames oor canola aangeleenthede aan die kantoor te voorsien, wat dit sal verwerk vir verspreiding via die sosiale media.

        Almal

    2. Produsente – canola

      1. Pryse

        Neem kennis dat die haalbaarheid dat SOILL die produsentepryse voor planttyd bekend moet maak, na die GSA Canola Spesialis Komitee vir bespreking verwys is.

        Mnr Heydorn
        Mnr Louw

      2. Super canolakompetisie

        Daar word kennis geneem dat die PNS Raad 'n ander benadering ten opsigte van die kompetisie ondersoek.

        J Loubser
        I Slabbert
        Voorsitter

        Mnr Fouché se versoek insake cultivar evaluering vir die droëland areas van die somerreënvalgebiede is na die PNS Raad verwys.

        Voorsitter

  10. Saad

    1. Beskikbaarheid van saad

      Neem kennis dat saadmaatskappye saamwerk om genoeg van die saad van keuse betyds beskikbaar te hê. Daar was genoeg saad die afgelope planttyd beskikbaar, alhoewel produsente in enkele gevalle nie die saad van voorkeur kon kry nie. Klein hoeveelhede saad is nie opgeneem nie.

      Op navraag word daar rapporteer dat die grootste persentasie cultivars wat geplant word baster cultivars is en dat die meeste saadmaatskappye net baster cultivars verkoop.

      Saadmaatskappye

    2. Saadbehandeling op canola

      Die belangrikheid daarvan dat saad behalwe die behandeling teen saailing-verwelk-siektes ook teen insekte behandel moet word, word weer beklemtoon. Produsente/maatskappye moet seker maak waarvoor saad reeds behandel is wanneer dit ingevoer word, voordat addisionele behandeling toegepas word.

      Daar word gesê dat weens die verskil in saadbehandeling, produksie metodes en planters gebruik, die persentasie van die plante wat opkom teenoor die saad wat gesaai is, per plaas verskil. Daar is 'n aansienlike verskil tussen die plante wat opkom teenoor die saad (korrels) wat gesaai is.

  11. Ander sake

    1. Kruising tussen Ramenas en Canola

      Neem kennis dat die artikel insake die kruising tussen ramenas en canola ter inligting by die sakelys aangeheg is.

    2. Nuusbrokkies

      Neem kennis dat afskrifte van interessante nuusbrokkies ter inligting by die sakelys aangeheg is.

    3. Canola tydskrif artikels

      Neem kennis dat afskrifte van enkele artikels ter inligting by die sakelys aangeheg is.

    4. Sprekers wat oorweeg kan word vir toekomstige Canolawerkgroepvergaderings

      Neem kennis en besluit dat lede voorstelle van moontlike sprekers / onderwerpe vir toekomstige Werkgroepvergaderings aan die kantoor of prof Agenbag kan deurgee. Toeligting oor gesondheidsvoordele van canola vir menslike gebruik asook aanwending van oliekoek vir dierlike gebruik, is voorbeelde.

      Almal

  12. Datums van 2014 vergaderings

    Kennis word geneem van die volgende vergaderings, naamlik:

    • Woensdag, 20 Augustus 2014;
    • Donderdag, 27 November wat geskeduleer is.
  13. Afsluiting

    Die vergadering word na 'n woord van dank afgesluit en verdaag.