Working Group Minutes / Archives / Canola / 21 Augustus 2013

Notule

Canolawerkgroepvergadering

gehou te Elsenburg op 21 Augustus 2013



  1. Opening en verwelkoming

    Die vergadering word deur mnr Keun met gebed geopen. Die Voorsitter verwelkom almal teenwoordig, veral Dr Hardy as gasspreker.

  2. Presensie

    Teenwoordig

    Mnr GJH Scholtemeijer PNS (Voorsitter)
    Dr J de Kock PNS
    Mnr AP Theron PNS
    Mnr JG Loubser PNS
    Mnr D Joubert PNS
    Mnr G Keun PNS
    Mnr C Cumming PNS
    Mnr P Lombard DLWK
    Mnr I Slabbert DLWK
    Mnr H Cerfonteyn DLWK
    Mnr J McDermott Du Pont/Pioneer
    Mnr P Laubscher Overberg Agri
    Mnr JWP Bruwer SSK
    Mnr P Fouché Phyto Energy
    Mnr M Heydorn CBK
    Mnr D Hanekom Agricol
    Mnr F le Roux SOILL
    Mnr L Coetzee Kaap Agri
    Mnr JCG van Niekerk MKB
    Me L Smorenburg DLWK
    Dr E Hough MKB
    Prof A Agenbag US
    Dr M Hardy Agri Services
    Me L van Zyl Sekretariaat

    Verskoning vir afwesigheid

    Dr I Trautman DLWK
    Dr J Strauss DLWK
    Dr J Labuschagne DLWK
    Me A Swanepoel DLWK
    Dr Briendenhann PNS
    Mnr G Els K2 Agri
    Mnr K van Tonder PNS
    Mnr G Conradie DWLK
    Mnr C Louw GSA
    Mnr P Burger Overberg Agri
    Dr M Visser GSA
    Dr G Tribe  
    Mnr N Hawkins SAGIS

  3. Personalia

    Dr Hough word gelukgewens met die geboorte van hulle baba.

    Neem kennis dat Prof Agenbag, Dr De Kock en mnr Theron binnekort namens PNS na Australië vertrek.

  4. Vasstelling van die sakelys

    Geen nuwe sake.

  5. Notule van die vorige vergadering

    Die notule van die vergadering gehou op 12 Junie 2013 word as gelese beskou en goedgekeur.

  6. Algemene oorsig

    1. SAGIS Inligting

      Daar word besluit dat die jongste inligting (24 Julie 2013) soos deur SAGIS verskaf, aanvaar word, naamlik:

      • die jongste markinligting/"supply and demand table" – mnr Keun sal navraag doen oor die "surplus" lyn-item in die tabel;
      • die weeklikse bulletin; en
      • die maandelikse bulletin.

      Neem kennis dat

      • daar volgens die inligting gedurende die 2012 oes 78 773 ton canola gelewer is, wat 'n goeie styging oor die laaste drie jaar verteenwoordig; en
      • die verhoging in opbrengs aan verskeie faktore toegeskryf kan word, onder andere beter kultivars (hoër opbrengs per hektaar); klimaat; rol van wisselbou; produksie praktyke verbeter; kompeterende pryse.
    2. Oesskatting

      Die NOK se sesde oppervlakte en produksieskatting vir 2013 (somergewasse) soos op 25 Julie 2013 is ter inligting by die sakelys aangeheg. Volgens die voorlopige oesskatting vir die winterreënstreek is daar in 2013 seisoen 63 000 hektaar canola geplant.

      Volgens die landboubesighede se opnames vir die 2013 seisoen is die volgende aanplantings gemaak:

      SSK 26 235 ha
      Overberg Agri 23 600 ha
      MKB 800 ha
      Kaap Agri 14 000 ha
      Totaal 64 635 ha +
      buite Wes-Kaap 1 000 ha

      Neem kennis van die Voorsitter se verwysing na BFAP se studies wat voorspel dat daar in 2020 100 000 hektaar canola geplant gaan word wat 160 000 ton sal lewer. Die vergadering bespreek die waarskynlikheid daarvan.

      Volgens die Werkgroep se redenasie behoort aanplantings na 2015 steeds toe te neem tot moontlik 70 000 en 80 000 hektaar.

      Neem kennis dat die praktyk van bewaringsbewerking ook 'n positiewe rol speel tot die prestasie van gewasse, selfs in die sandgronde. Gewasse gaan beter vaar in die toekoms en sal selfs droër jare beter kan hanteer. Pryse gaan ook 'n rol speel in uitbreidings.

    3. Winterreënstreek

      Swartland / Suid-Kaap

      Daar word rapporteer dat opkoms baie wisselvallig was. Vooruitsigte lyk goed. 'n Koel September sal bydra tot 'n gemiddelde opbrengs.

      Die Suid-Kaap (SSK en Overberg Agri gebiede) het na 'n droë tyd die afgelope tyd oral goeie reën gehad. Canola reageer goed op laat reën na 'n droë tydperk.

      1. Residu van sulfoniel-urea in grond

        Kommer word uitgespreek oor die effek van sulfoniel-urea in grond. Du Pont beveel aan dat Clearfield cultivars geplant word waar SU-residu beperkend is. SU bou nie in die grond op oor jare, maar breek elke jaar af. Toediening moet volgens die etiket geskied en daar moet vasgestel word wat die onthoudingsperiode is nadat SU toegedien is. Sekere grondtipes (bv kalkbanke) en klimaat speel ook 'n rol in die afbreek van SU's – nat grond breek dit vinniger af.

        Daar word besluit dat

        • Du Pont se tabel oor SU toediening en onthoudingsperiodes ter inligting aan die Werkgroep en bedryf versprei word;
        • 'n artikel oor die effek van sulfoniel-urea residu in die grond in tydskrifte publiseer word voordat produsente hulle beplanning vir die volgende plantseisoen doen.

        J McDermott
        K van Tonder
        Redaksie

    4. Somerreënstreek / Oos-Kaap / Ander

      Mnr Fouché verwys na produsente naby Bethlehem wat canola vroeg plant, laat wei met goeie sukses en verwag om weer in Desember 1,8 ton/ha saad te oes.

    5. Prysinligting

      Neem kennis dat die waarde van canola afgelei van sojaboon-oliekoek (47% proteïen) geland in Kaapstad op 25 Junie 2013 (volgens die inligting van Atlas Trading & Shipping) soos volg daar uitsien:

      47% Proteïen teen 'n waarde van R6000/ton teen 'n wisselkoers van R9.99.

      Relatiewe waarde van volvet canola is dus:

      Pluimvee (94%) R5 640 per ton
      Varke (100%) R6 000 per ton
      Suiwel (58%) R3 480 per ton

      Die relatiewe waarde van canola oliekoek is dus:

      Pluimvee (53%) R3 180 per ton
      Varke (65%) R3 900 per ton
      Suiwel (60%) R3 600 per ton
    6. Weervooruitskatting

      Neem kennis dat volgens voorspellings daar 'n 40% kans is dat die reënval vir die graanproduserende streke in die Wes-Kaap vir Augustus, September en Oktober bo-normaal sal wees.

      Besluit dat mnr Cerfonteyn vir volledigheidshalwe moet aandui wat die "normale" reënval per maand per gebied is en ook die temperature vir ooreenstemmende tydperke by die verslag moet insluit.

      Mnr Cerfonteyn

  7. Navorsing

    1. Nasionale Cultivarproewe 2013

      1. Aanplantings 2013

        Die besoek aan die Suid-Kaap proefpersele wat vir 20 Augustus beplan was, moes weens die reën afgestel word. Proewe lyk goed en daar word voorgestel dat die beplande besoeke aan die Swartland proewe vir 28 Augustus met 'n besoek aan die Suid-Kaap persele vervang word.

        Geen bewerkingspraktyke is toegepas. In die Swartland het slakskade voorgekom en die perseel by Philadelphia kan nie vir die proef gebruik word nie.

        Besluit dat produsente in die Swartland via alle forums ingelig moet word dat slakpille by plant van canola gestrooi moet word om slakskade te voorkom.

        Mnr Lombard
        Almal

  8. Tegnologie oordrag

    1. Canolafokus

      Die jongste uitgawe van die Canolafokus het in Julie verskyn – afskrifte was by die sakelys aangeheg.

    2. Inligtingsdae 2014


      SKOG 22 Augustus
      Proefbesoek Suid-Kaap 28 Augustus
      Roodebloem 29 Augustus
      Riversdal 4 September
      Agri Mega Week 18 tot 21 September

      Almal

  9. Behoeftes van

    1. Mark – canola

      1. Generiese reklame

        Daar word gerapporteer dat PNS voortgaan met generiese reklame (hele waardeketting).

        Inligtingsakke met alle nodige inligtingsdokumente sal by NAMPO, Agri Mega asook by Prof Agenbag beskikbaar wees.

        Besluit dat organiseerders van alle inligtingsdae, asook SOILL van die sakke kan aanvra en ook hulle pamflette / dokumentasie beskikbaar kan stel sodat dit in die sakke ingevoeg kan word.

        Almal

    2. Produsente – canola

      1. Pryse

        Daar word kennis geneem dat SOILL die volgende pryse afgekondig het:

        Minimum R4 175
        Vaste prys R4 275
        Finale prys R4 475 (tot verdere kennisgewing)

        Prys van September agterskot nog nie bekend nie.

      2. Super canolakompetisie

        Voorbereidings vir die 2013 Kompetisie is in proses.

        Neem kennis dat me Smorenburg rapporteer dat van die vorige jaar se deelnemers kommer uitgespreek het oor die formaat van die kompetisie. Daar word voorgestel dat dit 'n ander benaming as "kompetisie" moet hê en daar meer op die uitruil van kennis / inligting gefokus moet word.

        Daar word besluit dat die PNS Raad weer die haalbaarheid van die Kompetisie oorweeg, die formaat herbesoek en die metodiek aan rolspelers verduidelik.

        PNS Raad
        Sekretariaat
        J Loubser
        I Slabbert

  10. Saad

    1. Beskikbaarheid van saad

      Saadbestellings vir 2014 plantseisoen is geplaas. Saadmaatskappye gee die versekering dat alles moontlik gedoen word om genoeg kwaliteit saad betyds voor planttyd beskikbaar te hê.

    2. Saadbehandeling op canola

      Neem kennis dat die saad van meeste cultivars wat in die proewe gebruik word met Jockey behandel is.

      1. Die gebruik van addisionele middels op saad

        Die resultate van dr Lamprecht se toetse (op versoek van SSK) oor saadbehandeling om te bepaal wat die effek is wanneer saad met Apron en/of Thiram behandel word nadat dit reeds met Jockey en/of Gaucho behandel is, is by die sakelys aangeheg. Die proewe het bewys dat addisionele behandeling met Apron en Thiram nie enige fitotoksiese effekte gehad het nie, en die oorlewing van saailinge in ongepasteuriseerde grond aansienlik verbeter het.

        Daar word aanbeveel dat die proef in oorleg met Prof Agenbag herhaal word en aangedui word waar die grond vandaan kom.

        JWP Bruwer
        A Agenbag

  11. Ander sake

    1. Nuusbrokkies

      Neem kennis dat afskrifte van interessante nuusbrokkies ter inligting by die sakelys aangeheg is.

    2. Canola Tydskrifartikels

      Neem kennis dat afskrifte van enkele artikels ter inligting by die sakelys aangeheg is.

    3. Sprekers wat oorweeg kan word vir toekomstige Canolawerkgroepvergaderings

      Neem kennis en besluit dat lede voorstelle van moontlike sprekers / onderwerpe vir toekomstige Werkgroepvergaderings aan die kantoor of prof Agenbag kan deurgee.

      Almal

    4. "Determination of the area of arable land suited to Canola production in the Western Cape"

      Neem kennis dat die verslag deur Dr M Hardy en mnr M Wallace soos by die sakelys aangeheg deur Dr Hardy toegelig word. Volgens die opname is die oppervlakte geskik vir canola verbouing soos volg:

      Traditional grain areas 743 506 ha
      New and marginal areas 42 788 ha
      Miscellaneous areas 12 372 ha

      Die verslag is deur die PNS Raad aanvaar en sal ter inligting op die PNS webblad geplaas word.

      Sekretariaat

  12. Datums van volgende vergaderings

    Neem kennis dat die volgende vergaderings vir 27 November 2013 geskeduleer word.

  13. Afsluiting

    Die vergadering word na 'n woord van dank afgesluit en verdaag.