Notule
Canola- en Lupienwerkgroepvergadering
gehou op 11 Augustus 2005 te Elsenburg
Opening en verwelkoming
Mnr Scholtemeijer open die vergadering met gebed. Hy verwelkom elkeen teenwoordig, veral dr Tribe en me Tsele by die vergadering.
Presensie
Teenwoordig
Mnr GJH Scholtemeijer PNS (Voorsitter) Dr M Griessel PNS Mnr H Agenbag PNS (Wes-Kaap) Mnr D Hanekom DLWK Mnr H Cerfonteyn DLWK Mnr P Lombard DLWK Me M Kellerman DLWK Me C Tsele DLWK (Swellendam) Me C Tsele DLWK (Swellendam) Mnr C van Rooyen DLWK (Caledon) Dr M Hardy DLWK Mnr C Cumming Bayer Crop Science Mnr JJ Bester GSA Mnr K Schonken GSA Mnr J Bruwer SSK Mnr A Haasbroek Kaap Agri Mnr P Fouché K2 Agrisaad Mnr J Kellerman Agricol Mnr J Loubser Bokomo Dr S Lamprecht LNR-NIPB Dr G Tribe LNR-NIPB Prof A Agenbag US Me L van Zyl Sekretariaat Verskonings
Mnr D van Papendorp GSA Mnr C van der Merwe MKB Mnr P Laubscher Overberg Agri Mnr L Wille Agricol Dr N Kotzé Agricol Dr J de Kock PNS Dr I Trautmann DLWK Dr K Laubscher DLWK Me A Swanepoel DLWK Mnr G Conradie DLWK Mnr I Slabbert DLWK Mnr G van Coller DLWK Mnr K Becker SOILL Mnr J Lusse Overberg Agri Mnr H Kotzé Bokomo Dr J Pieterse US Personalia
Dr de Kock wat ongesteld is, word 'n spoedige herstel toegewens. Mnr Agenbag wat in 'n motorongeluk betrokke was, word ook sterkte toegewens.
Vasstelling van die sakelys
Geen aanvullende sake nie.
Notule van die vorige vergadering
Die notule van die vergadering gehou op 8 Junie 2005 word goedgekeur.
Algemene oorsig
Winterreënstreek
Canola
Swartland
Op die oomblik is die stand van canola uitstekend. Goeie reën het oor meeste dele in die gebied voorgekom. Sekere areas soos Piketberg, Eendekuil en Rooi Karoo het minder reën gehad en die totale reënval vir die streek is tot op datum onder normaal. Die ondergrond vog is nie na wense nie. Geen plae / insekte op canola is tot dusver rapporteer nie. Alhoewel die klein slakkies (slugs) op koring voorkom, word daar nog geen behandeling toegepas nie. Dit word egter aanbeveel dat produsente die situasie noukeurig moet monitor.
Die oppervlakte canola gesaai is soos volg:
MKB gebied 2 500ha WPK gebied 8 587ha Porterville gebied 2 600ha Besluit dat Dr Tribe (namens die Slakwerkgroep) versoek word om die Swartland te besoek en die slakke wat op koring voorkom te identifiseer, die situasie te monitor en by 'n volgende vergadering terugvoering sal gee.
Dr Tribe
Suid-Kaap
Die stand van die canola in die gebied is oor die algemeen goed. Plante begin reeds blomme afgooi. Daar is voldoende ondergrond vog, maar goeie reën in Augustus is nodig. Sterk winde kom oor gebiede in die Bredasdorp omgewing voor.
Die oppervlakte canola gesaai, is soos volg:
SSK gebied 15 800ha CRK gebied 6 500ha BNK gebied 3 750ha Tuinroete Agri 1 000ha Dr Tribe lewer namens die Slakwerkgroep verslag insake die ondersoek na die voorkoms van insekte op canola en vreetskade wat vroeër in die seisoen aangerig is. Dit het tot so 'n mate voorgekom dat sekere dele van lande kaal gevreet is. Die oorsaak van die probleem kon tot op datum nie identifiseer word nie, maar dit blyk dat dit 'n gekompliseerde probleem met moontlik 'n kombinasie van oorsake is. Faktore wat moontlik 'n invloed kan hê, is byvoorbeeld:
- Die oorgang van konvensionele bewerking na minimum bewerkingsmetodes.
- Bewaringsmetodes verander tekstuur van grond. Grondontledings moet vir makro en mikro elemente gedoen word.
- Bepaal watter rol speel swael inhoud van grond in canola verbouing.
- Herhaalde spuit van onkruiddoders het 'n invloed op die mikro-organismes in die grond wat siekte toestand van plante kan beïnvloed. Die spuit van Simasien op sekere cultivars blyk 'n risiko te wees – insekte verkies lande waar Simasien gespuit is.
Besluit dat
- Aanvaar word dat die bedryf waarskynlik hier met 'n probleem met 'n kombinasie van oorsake te make het en navorsers versoek word om voort te gaan met die proses om die redes vir die probleem (vreetskade deur insekte) te probeer identifiseer sodat dit dienooreenkomstig dringend aangespreek kan word;
- navorsers en ander rolspelers alle waarnemings ten opsigte van en moontlike oorsake van die skade / kaal kolle wat in canola en selfs lupienlande voorkom, sal dokumenteer en aan die "Slakwerkgroep" sal voorsien;
- die "Slakwerkgroep" 'n samevatting van die insette vir bespreking tydens die volgende vergadering sal voorberei sodat die nodige voorkomende optrede of navorsing, indien nodig, beplan kan word.
Dr Lamprecht
Dr TribeSWD / Oos-Kaap
Geen inligting is beskikbaar nie.
Lupiene
Swartland
Die stand van lupiene is goed en 'n "rekord" lupienoes word in die Swartland verwag.
Die oppervlakte lupiene gesaai, is soos volg:
MKB gebied 5 500 ha WPK gebied 1 837 ha (soet) + 2 767 ha (bitter) Porterville area 1 150 ha (soet) Suid-Kaap
Die stand van lupiene is goed. Probleme met onkruidbeheer kom voor.
Die volgende oppervlakte is gesaai:
SSK gebied 1 600 ha BNK gebied 540 ha CRK gebied 2 600 ha Tuinroete Agri 1 200 ha SWD / Oos-Kaap
Geen inligting is beskikbaar.
Somerreënvalstreek
Geen inligting is beskikbaar nie.
Weervooruitskatting
Neem kennis van die inligting soos tydens die vergadering deur mnr Cerfonteyn verskaf.
Oesskatting
Die werkgroep besluit dat daar by die Nasionale Oesskattingskomitee se inligting omtrent aanplantings vir 2005/2006 volstaan word, naamlik 41 200ha canola en 14 000 ha soetlupiene.
SAGIS Inligting
Die Werkgroep neem kennis van die inligting soos by die sakelys aangeheg.
Dr Griessel onderneem om namens die veevoerbedryf die SAGIS inligting omtrent canola wat vir dierevoer verwerk word, via AFMA te laat kontroleer.
Prysvooruitskatting en internasionale markinligting
Dr Griessel rapporteeer die jongste inligting omtrent die internasionale sojaboon mark. Op hierdie stadium word 'n oes van 76m ton in Amerika en 16,9m ton in China voorspel. Indien die Amerikaanse oes kleiner word, sal daar na verwagting meer aanplantings in Argentinië en Brasilië wees.
Die jongste gelande prys van sojaboon-oliekoek (47% proteïen) in Kaapstad beloop R2 035 / ton. Wisselkoers op 10 Augustus 2005 = R6,47.
Die afgeleide waarde van volvet canola is soos volg:
Pluimvee (94%) R1 913 Varke (100%) R2 035 Suiwel (58%) R1 180 Die relatiewe waarde van canola oliekoek is as volg:
Pluimvee (53%) R1 079 Varke (65%) R1 323 Suiwel (60%) R1 221 Die relatiewe waarde van lupiene is soos volg
L. albus (Esta) Pluimvee (75%)
Suiwel (80%)R1 526
R1 628L. angustifolious (Merrit) Pluimvee (53%)
Suiwel (52%)R1 079
R1 058L. luteus (Juno) Pluimvee (63%)
Suiwel (73%)R1 282
R1 486Produsentepryse vir canola en lupiene
Die volgende produsentepryse vir canola word rapporteer:
SOILL R1 660 vir canola Swartland Oliepers R1 400 vir soetlupiene Die feit dat daar nie 'n formele mark vir lupiene is nie, word weer geopper. Die feit dat die prys laat bekend gemaak word, bemoeilik produsente se beplanning. Meeste produsente produseer lupiene dus slegs vir eie gebruik.
COMBUDS – canola
Aanpassing van kostegids
Die aangeleentheid sal verder hanteer word wanneer die nodige inligting beskikbaar is.
Me Swanepoel
Opstel van COMBUDS vir canola
Die aangeleentheid sal verder hanteer word wanneer die nodige inligting beskikbaar is.
Voorsitter
Produksie area kaarte
Die saak staan oor totdat inligting beskikbaar is.
Me Swanepoel
Navorsing
Canola
Nasionale cultivarproewe
Cultivarproewe 2005
Neem kennis dat die proewe oor die algemeen goed gevestig het. In die Philadelphia area is probleme na aanleiding van baie nat toestande ondervind.
Besluit dat vordering met die 2005 proewe deurlopend rapporteer sal word.
Mnr Hanekom
Samewerking tussen LNR-IGG en DLWK
Die onderhandelings ten opsigte van samewerking is in proses.
Besluit dat vordering ten opsigte van die samewerking tussen DLWK en LNR-IGG insake die verwerking van proefresultate afgewag word.
Mnr Hanekom
Gebruik van internasionale kwekerye
Neem kennis dat K2 Agrisaad wel internasionale cultivars vir aanpassing onder plaaslike omstandighede evalueer.
Besluit dat daar by Agricol navraag gedoen word omtrent hulle beleid ten opsigte van evaluasie van internasionale cultivars wat potensiaal vir aanpassing by plaaslike omstandighede het.
Dr Kotzé
Bemesting
Terugvoering van Bemestingstaakspan
Die onderhandelings vir die voortsetting van navorsingswerk oor bemesting van canola is in proses.
Besluit dat inligting omtrent die voortsetting van navorsing op bemesting deurlopend rapporteer sal word soos die proses vorder.
Dr De Kock
Wisselbou-projek somersaaigebiede – bemesting onder besproeiing
Besluit dat die aangeleentheid verder bespreek sal word wanneer inligting beskikbaar is.
Dr Nel
Ontwikkelingsplan vir canola
Besluit dat die saak oorstaan totdat verdere inligting beskikbaar is.
Dr De Kock
Terugvoering – THRIP-projek
Neem kennis dat daar nog nie finaliteit is oor die aanwending van die R504 000 THRIP fondse wat vir die US projekte allokeer is nie. Besluit dat vordering oor die aanwending van THRIP fondse mettertyd rapporteer sal word.
Prof Agenbag
Saadbehandeling teen swamme en insekte by canola
Die veldproewe is reeds aangeplant, maar die groeikamers sal eers teen Oktober beskikbaar wees om die nodige proewe daar te kan doen.
Besluit dat vordering insake die proewe vir registrasie van Cruiser en ander saadbehandelingsmiddels rapporteer sal word.
Prof Agenbag
Dr Lamprecht
Lupiene
Nasionale cultivarproewe
Cultivarproewe vir 2005
Mnr Hanekom rapporteer insake die stand van die 2005 cultivarproewe en dat geen ernstige probleme ondervind word nie.
Besluit dat terugvoering oor die 2005 proefaanplantings deurlopend gegee sal word.
Mnr Hanekom
Saadbehandeling teen swamme en insekte by lupiene
Die proewe is aangeplant. Besluit dat terugvoering insake die saadbehandelingsproewe afgewag word.
Mnr Hanekom
Weerstandbiedendheid: raaigras
Neem kennis van die notule soos by die sakelys aangeheg en dat die volgende vergadering nog skeduleer sal word.
Besluit dat vordering insake die Werkgroep: Raaigrasweerstandbiedendheid se werksaamhede rapporteer sal word.
Me Swanepoel
Pes- en plaagbeheer
Stoppelbestuur van canola / swartstam
Geen nuwe inligting is beskikbaar nie.
Besluit dat die aangeleentheid oorstaan tot nadat die projekaansoeke in Oktober oorweeg is.
Mnr Van Coller
Voorkoms en monitering van bogrondse insekte, plae, slakke en bolwurms
Dr Tribe gee terugvoering oor die verskillende valstrikke wat vir insekte en slakke ("slugs") gebruik word.
Die Werkgroep: beter vestiging van canola ("Slakwerkgroep") gaan voort met hulle werksaamhede. Besluit dat verslag van die werksaamhede van die Werkgroep: Beter vestiging van canola aan hierdie Werkgroep rapporteer sal word.
Prof Lamprecht
Dr TribeVoorlegging: Ruitrugmot
Neem kennis dat reëlings vir die voorlegging deur Dr Kfir getref sal word.
Besluit dat die voorlegging oor die voorkoms en beheer van die ruitrugmot ("diamond back moth") tot 'n later geleentheid oorstaan.
Voorsitter
Tegnologie-oordrag
Canolafokus
Die volgende uitgawe van Canolafokus sal gedurende September verskyn.
Redaksie
Radiopraatjies
Afskrifte van die radiopraatjies wat oor landbouradio uitgesaai is, is ter inligting aan lede versprei. Besluit dat 'n samevatting van die praatjies mettertyd in die Canolafokus publiseer sal word.
Redaksie
Lupino
Neem kennis dat die volgende uitgawe gedurende September sal verskyn. Die artikel deur mnr H Kotzé oor die beperkte beskikbaarheid van lupiene vir veevoerbedryf word afgewag.
Redaksie
Inligtingsdae 2005
25 Augustus 2005 K2Saad Inligtingsdag (Pools) 30 Augustus tot 2 September 2005 Megaweek 6 September 2005 SKOG 7/8 September 2005 PNS Besigtigingstoer 13 September 2005 Riversdal Boeredag 14 September 2005 Overberg Agri Proefbesigtiging 15 September 2005 Roodebloem Boeredag Proefbesigtigings by Porterville en Hopefield moet nog skeduleer word.
Behoeftes van
Mark – Canola
Statutêre Graderingsregulasies
Die konsep regulasies sal weer gedurende oestyd toegepas en evalueer word.
Besluit dat vordering insake die graderingsregulasies deur CBK rapporteeer sal word.
Mnr Van Papendorp
Mark - Lupiene
Daar bestaan nie 'n formele mark vir lupiene nie. Produsente produseer lupiene meestal vir eie gebruik.
Produsente – Canola
Plantmetodes vir beter vestiging
Neem kennis en besluit dat die finale verslag insake plantmetodes vir beter vestiging van canola afgewag word.
Prof Agenbag
Produsente – Lupiene
Geen sake.
Saad
Canola
SANSOR Statistiek
Die navraag oor die totale hoeveelheid saad wat per jaar aangekoop word, is met SANSOR opgevolg.
Besluit dat sodra die verlangde inligting vanaf SANSOR ontvang word, dit aan lede kommunikeer sal word.
Voorsitter
Lupiene
Geen verdere inligting is rapporteer nie.
Ander sake
Proewe deur K2 Agrisaad
Mnr Fouché doen verslag oor die stand van cultivarproewe wat op versoek van PNS deur K2 Agrisaad aangeplant is.
Volgende vergadering
Proefbesigtiging op 7 en 8 September 2005.
- 1 Desember 2005
Afsluiting
Die vergadering word na 'n woord van dank aan elkeen afgesluit en verdaag.