Working Group Minutes / Archives / Canola / 8 Junie 2005

Notule

Canola- en Lupienwerkgroepvergadering

gehou op 8 Junie 2005 te Elsenburg



  1. Opening en verwelkoming

    Mnr Scholtemeijer open die vergadering met gebed. Hy verwelkom almal teenwoordig by die vergadering.

  2. Presensie

    Teenwoordig

    Mnr GJH Scholtemeijer PNS (Voorsitter)
    Dr M Griessel PNS
    Dr J de Kock PNS
    Mnr H Agenbag PNS Wes-Kaap
    Mnr D Hanekom DLWK
    Mnr H Cerfonteyn DLWK
    Mnr W Hoffmann DLWK
    Mnr C van Rooyen DLWK Caledon
    Mnr C Cumming Bayer Crop Science
    Mnr JJ Bester GSA
    Mnr K Schonken GSA
    Mnr D van Papendorp GSA
    Mnr C van der Merwe MKB
    Mnr P Laubscher Overberg Agri
    Mnr P Fouché K2 Agrisaad
    Mnr L Swartz Swartland Oliepers
    Mnr N Murray Canola Products Pty Ltd
    Mnr J McDermott Du Pont
    Mnr J Loubser Bokomo
    Mnr L Wille Agricol
    Prof A Agenbag US
    Dr AA Nel LNR-IGG
    Dr S Lamprecht LNR-NIPB
    Me L van Zyl Sekretariaat

    Verskonings

    Dr G Tribe LNR-NIPB
    Me F Hawkins Oesskattingskomitee
    Me R Beukes Oesskattingskomitee
    Dr PJ Pieterse US
    Dr T Brand DLWK
    Mnr G van Coller DLWK
    Dr M Hardy DLWK
    Dr I Trautman DLWK
    Me A Swanepoel DLWK
    Mnr J Bruwer SSK
    Mnr G Conradie DLWK
    Mnr I Slabbert DLWK Moorreesburg
    Mnr J Truter WPK
    Dr K Laubscher DLWK
    Mnr B Saayman DLWK
    Mnr J Lusse Overberg Agri
    Mnr H Kotzé Bokomo
  3. Personalia

    Geen.

  4. Vasstelling van die sakelys

    Geen aanvullende sake nie.

  5. Notule van die vorige vergadering

    Die notule van die vergadering gehou op 14 April 2005 word goedgekeur.

  6. Algemene oorsig

    1. Winterreënstreek

      1. Canola

        Swartland

        Canola het goed gevestig en die stand is sover goed. Onkruidbeheer is goed en geen insekprobleme word ondervind nie. Kuilvoercanola in Durbanville gebied gesaai.

        Kaap Agri gebied hektare gesaai nog onseker
        MKB gebied hektare gesaai nog onseker
        WPK gebied hektare gesaai nog onseker

        Suid-Kaap

        Overberg Agri (BNK/CRK) gebied – ondergrond vog was goed, ontkieming was goed en stand lyk belowend. Toestande oor die algemeen bo-normaal, vooruitsigte lyk goed. Ongelukkig is / word baie insekprobleme ondervind (meestal vreetskade), veral op sekere tipes grond. Sekere cultivars soos triasienweerstandbiedende cultivars blyk meer vatbaar te wees. Dit gebeur ook meer waar van planters gebruik gemaak is. Dit is nog nie seker presies watter insekte ter sprake is nie, maar dit sluit krieke, krimpvarkies, grondkewers, rooibeen kakkerlakke en die "fleabeatle" in. Die insekte kruip meestal onder die klippe weg wat dit moeilik maak om dit effektief deur bespuiting te beheer.

        Neem kennis dat dr Laubscher (DLWK) en navorsers van die "Slakwerkgroep" (Dr Tribe en sy span) reeds die saak ondersoek en probeer om die situasie te bestuur. Van die produsente moes hulle lande oorsaai en daar is 'n verskeidenheid middels as proeflopie op die lande gespuit. Die uitkoms daarvan sal deur die navorsers evalueer en aan die produsente kommunikeer word.

        Toestande in SSK gebied is ook gunstig. Minder insekprobleme en meer slakke kom vanjaar voor, veral in die Heidelberg area.

        Geskatte aanplantings:

        BNK   5 000ha
        CRK   9 000ha
        SSK 15 500ha

        Besluit dat

        • vordering ten opsigte van die insekbeheer in die Suid-Kaap tydens die volgende vergadering rapporteer sal word;

          Dr Lamprecht

        • produsente intussen dringend versoek word om nie ongeregistreerde middels te spuit nie.

          Almal

        SWD / Oos-Kaap

        Geen inligting beskikbaar.

      2. Lupiene

        Swartland / Suid-Kaap

        Meer aanplantings word verwag. Klimaatstoestande is baie gunstig.

    2. Somerreënvalstreek

      Nog onseker hoeveel canola gesaai sal word.

    3. Oesskatting

      Volgens die Oesskattingskomitee word die 2005 aan­plantings onderskeidelik op 40 500ha canola en 8 700ha lupiene geskat. Die Werkgroep volstaan by die syfers totdat meer detail inligting vanuit die streke beskikbaar is.

    4. SAGIS Inligting

      Die Werkgroep neem kennis van die inligting soos by die sakelys aangeheg.

    5. Prysvooruitskatting en internasionale mark­inligting

      Dr Griessel rapporteer dat sedert die aanvanklike voor­spelling van 'n rekord sojaboonoes, het die opbrengs weens die droogte in Brasilië en later oorstromings in van die produksiegebiede, van 61 miljoen na 50,5 miljoen ton verminder. Die internasionale pryse van sojaboon is dienooreenkomstig beïnvloed.

      Die jongste gelande prys van sojaboon-oliekoek (47% proteïen) in Kaapstad beloop R2 221 / ton. Wisselkoers op 6 Junie 2005 = R6,77.

      1. Die afgeleide waarde van volvet canola is soos volg

        Pluimvee (94%) R2 088
        Varke (100%) R2 221
        Suiwel (58%) R1 288

        Die relatiewe waarde van canola oliekoek is as volg:

        Pluimvee (53%) R1 177
        Varke (65%) R1 444
        Suiwel (60%) R1 333
      2. Die relatiewe waarde van lupiene is soos volg

        L. albus (Esta) Pluimvee (75%)
        Suiwel (80%)
        R1 666
        R1 777
        L. angustifolious (Merrit) Pluimvee (53%)
        Suiwel (52%)
        R1 177
        R1 155
        L. luteus (Juno) Pluimvee (63%)
        Suiwel (73%)
        R1 399
        R1 621
      3. Geen nuwe plaaslike pryse vir canola is beskikbaar nie.
    6. COMBUDS – canola

      1. Aanpassing van kostegids

        Neem kennis en besluit dat die saak oorstaan totdat inligting beskikbaar is.

        Me Swanepoel

      2. Opstel van COMBUDS vir canola

        Neem kennis en besluit dat die saak oorstaan totdat inligting beskikbaar is.

        Me Swanepoel (DLWK)
        Mnr Joubert (PNS)

    7. Produksie area kaarte

      Neem kennis en besluit dat die saak oorstaan totdat inligting beskikbaar is.

      Me Swanepoel

  7. Navorsing

    1. Canola

      1. Nasionale cultivarproewe en chemiese ont­ledings

        Neem kennis van die notas wat ter inligting deur dr Hardy verskaf is: "Effect of late emergence and protracted dry periods during the growing season on the yield, % crude protein and % crude oil of canola in 2004".

        1. Cultivarproewe 2004

          Neem kennis dat die finale inligting by die sakelys aangeheg is en die saak as afgehandel beskou word.

        2. Cultivarproewe vir 2005

          Neem kennis dat die proewe geplant is en die stand baie goed is.

          Besluit dat vordering met die 2005 proewe deurlopend rapporteer word.

          Mnr Hanekom

        3. Canola cultivaraanbevelings vir besproeiing in die somerreënvalgebied vir 2005

          Neem kennis dat die inligting by die sakelys aangeheg is.

        4. Samewerking tussen LNR-IGG en DLWK ten opsigte van proefresultate

          Neem kennis dat mnr Hanekom in die proses is om die saak op te volg.

          Besluit dat vordering ten opsigte van die samewerking tussen DLWK en LNR-IGG insake verwerking van proef­resultate afgewag word.

          Mnr Hanekom
          Dr Nel

        5. Gebruik van internasionale kwekerye

          Daar bestaan internasionale kwekerye vir gewasse (koue groep, lente groep en intermediêre groep). Navraag moet gedoen word of daar nie van die intermediêre cultivars van byvoorbeeld Spanje met goeie potensiaal vir die plaaslike somersaaigebiede, beskikbaar sou wees nie.

          Neem kennis en besluit dat Agricol (dr Kotzé) en K2 Agrisaad (mnr Fouché) by 'n volgende vergadering terugvoering ten opsigte van die internasionale cultivars met potensiaal vir aanpassing by plaaslike omstandighede, sal gee.

          Mnr Fouché
          Dr Kotzé

      2. Bemesting

        1. Terugvoering van Bemestingstaakspan

          Neem kennis van die resultate van navorsingsaksies ten opsigte van stikstofbemesting soos by die sakelys aangeheg. Die binnelandse navorsingswerk wat voorheen deur Kynoch gedoen is, is gestaak.

          Besluit dat PNS die moontlikheid ondersoek dat die navorsingswerk (bemesting) wat deur Kynoch begin is, deur privaatinstansies / kontraknavorsers voortgesit kan word (addisioneel tot werk wat deur DLWK gedoen word).

          Dr De Kock

        2. Wisselbou-projek somersaaigebiede – bemes­ting onder besproeiing

          Neem kennis dat die wisselbou-projek volgens beplanning verloop (bemesting onder besproeiing ingesluit) en besluit dat vordering rapporteer sal word wanneer dit beskikbaar raak.

          Dr Nel

      3. Ontwikkelingsplan vir canola

        Neem kennis dat die prioriteite vir aandag binne die ontwikkelingsplan identifiseer is naamlik siektes / onkruid­beheer / insekte. Alle inligting insluitende verbouings­riglyne en oespraktyke sal opdateer, publiseer en (moontlik voor die volgende plantseisoen) vir verspreiding beskikbaar gestel word.

        Besluit dat die werkgroep van die vordering met die ontwikkelingsplan / publikasies op hoogte gehou sal word.

        Dr de Kock

      4. Terugvoering – THRIP-projek

        Neem kennis dat R504 000 vir die US se THRIP projekte allokeer is, maar dit nog onseker is hoe dit aangewend mag word. Besluit dat vordering insake die aanwending van die THRIP-fondse afgewag word.

        Prof Agenbag

      5. Saadbehandeling teen swamme en insekte by canola

        Neem kennis dat die proses ten opsigte van die registrasie van Cruiser vir gebruik op canola met Syngenta opgevolg is en die proef aangeplant en goed gevestig is.

        Daar word van breë spektrum middels in die saad­behandelingsproewe gebruik gemaak. Dit lyk egter of saadbehandeling beter resultate ten opsigte van siektes as vir insekte het.

        Besluit dat vordering insake die proewe vir registrasie van Cruiser en ander saadbehandelingsproewe rapporteer sal word.

        Dr Lamprecht
        Prof Agenbag

    2. Lupiene

      1. Nasionale cultivarproewe en chemiese ont­ledings

        Neem kennis van die notas wat ter inligting deur dr Hardy voorsien is: "The effect of late emergence and protracted dry periods during the growing season on the yield, % crude protein and % crude oil of canola (and lupins) in 2004".

        1. Cultivarproewe vir 2004

          Neem kennis dat die finale inligting by die sakelys aangeheg is en die saak as afgehandel beskou word.

        2. Cultivarproewe vir 2005

          Neem kennis dat die 2005 proewe gesaai is en die stand baie goed is.

          Besluit dat terugvoering oor die 2005 proefaanplantings deurlopend gegee sal word.

          Mnr Hanekom

      2. Saadbehandeling teen swamme en insekte by lupiene

        Die werk insake saadbehandeling by lupiene is in proses.

        Besluit dat terugvoering oor die projek insake saad­behandeling by lupiene rapporteer sal word.

        Dr Lamprecht

    3. Weerstandbiedendheid: raaigras

      Neem kennis dat die Werkgroep: Raaigrasweerstand­biedendheid se werk in proses is. Notules van Maart en April vergaderings is by die sakelys aangeheg.

      Besluit dat die verslag van die afgelope vergadering (Mei) van die Werkgroep: Raaigrasweerstandbiedendheid aan­gevra en aan lede van hierdie vergadering voorsien moet word. Soos probleme identifiseer word, sal dit aangespreek word. Verdere vordering sal tydens die volgende vergadering rapporteer word.

      Me Swanepoel

    4. Pes- en plaagbeheer

      1. Stoppelbestuur van canola / swartstam

        Die projekaansoek is ingedien. Geen verdere inligting is beskikbaar nie.

        Besluit dat vordering ten opsigte van die swartstam navorsingsprojek rapporteer moet word.

        Mnr Van Coller

      2. Voorkoms en monitering van bogrondse insekte, plae, slakke en bolwurms

        Neem met waardering kennis van die literatuurstudie oor slakke deur mnr Neil Hopkins wat by die sakelys aangeheg is, naamlik: "Slugs as pests in oilseed rape and winter cereals".

        Besluit dat sodra die literatuurstudie oor insekte (Dr Tribe) gereed is dit aan die Werkgroep voorgelê sal word.

        Werk ten opsigte van slakke gaan voort. Die inligting verkry uit die vraelyste word verwerk en sal aan produsente kommunikeer word.

        PNS het geld beskikbaar gestel vir Ad Hoc gevalle insake vestiging van canola wat via die Werkgroep: Beter vestiging van canola ten opsigte van bogrondse swamme, insekte en slakke (LNR in oorleg met DLWK) aangespreek sal word. Produsente of lede van hierdie vergadering kan enige vestigingsprobleme by bogenoemde Werkgroep aanmeld en van die "diens" deur Werkgroep / PNS verskaf, gebruik maak.

        Besluit dat verslag van die werksaamhede van die Werkgroep: Beter vestiging van canola ten opsigte van bogrondse swamme, insekte en slakke deurlopend aan hierdie Werkgroep rapporteer sal word.

        Dr Lamprecht

        Besluit dat dr Lamprecht die wenslikheid van canola na lupiene in die wisselboustelsel, veral ten opsigte van siektebeheer, met dr Hardy sal opvolg en aan die vergadering terugrapporteer.

        Dr Lamprecht / PNS

        Neem kennis dat dr Rami Kfir wat as Navorsing en Tegnologie bestuurder by LNR-NIPB aangestel is, 'n kenner ten opsigte van die ruitrugmot is.

        Besluit dat dr Kfir genooi word om 'n aanbieding oor die ruitrugmot na afloop van 'n volgende vergadering te maak.

        Dr Lamprecht

    5. Navorsingsprojek – Rhizoctonia

      Neem kennis van die bestuursopsomming van die Rhizoctonia projek wat ter inligting by die sakelys aangeheg is.

  8. Tegnologie-oordrag

    1. Canolafokus

      Die volgende uitgawe verskyn gedurende Junie 2005.

      Redaksie

      1. Radiopraatjies

        Neem kennis van die program van radiopraatjies soos by die sakelys aangeheg.

    2. Lupino

      Neem kennis dat die ekonomiese syfers uit dr Hardy se wisselbouproewe in die Junie uitgawe publiseer sal word.

      Die uitstaande artikels sal in volgende uitgawe geplaas word (gebruike van lupiene; beperkte beskikbaarheid vir veevoerbedryf weens klein hoeveelheid produseer; en die redes hoekom lupiene aangeplant word).

      Redaksie

    3. Inligtingsdae 2005

      20 Julie 2005 CBK Boeredag / Swartland
      6 September SKOG
      7/8 September PNS besigtigingstoer
      30 Augustus to 2 September 2005 Megaweek
      14 September Overberg Agri Proefbesigtiging
      15 September Roodebloem Boeredag

    4. Weervooruitskatting

      Neem kennis van die inligting soos tydens die vergadering deur mnr Cerfonteyn verskaf.

  9. Behoeftes van

    1. Mark – Canola

      1. Statutêre Graderingsregulasies

        Geen verdere inligting is beskikbaar nie.

        Besluit dat vordering insake die moontlike graderings­regulasies deur CBK rapporteer sal word.

        Mnr Van Papendorp
        Mnr Vermaak

    2. Mark - Lupiene

      Geen verdere inligting word rapporteer nie.

    3. Produsente – Canola

      1. Plantmetodes vir beter vestiging

        Neem kennis dat die werk teen einde van 2005 afgehandel behoort te wees en besluit dat die finale verslag insake plantmetodes vir beter vestiging van canola afgewag word.

        Prof Agenbag

    4. Produsente – Lupiene

      1. Alkaloïedvlakke / gestandardiseerde betrou­bare toets

        Neem kennis en besluit dat die onderhandelings rakende die kalibrasie vir alkaloïedtoetse voorlopig daar gelaat word.

  10. Saad

    1. Canola

      Geen tekort aan canolasaad word rapporteer nie. Volgens berekeninge behoort 200 ton saad vir 40 000ha canola aangekoop te word. Volgens saadhandelaars word daar na raming slegs 75% daarvan wel op jaarlikse basis aan­gekoop.

      Besluit dat daar by SANSOR vasgestel moet word watter totale hoeveelheid canolasaad per jaar aangekoop word.

      Voorsitter

    2. Lupiene

      Om 9 000ha lupiene te vestig word ongeveer 810 ton saad benodig. Volgens saadmaatskappye was daar nie 'n tekort aan lupiensaad by saadhandelaars nie. Produsente wat beweer het dat saad te min was, is produsente wat onderling by medeprodusente saad wou bekom.

  11. Ander sake

    Geen.

  12. Volgende vergadering

    • 11 Augustus 2005 te Elsenburg.
  13. Afsluiting

    Die vergadering word na 'n woord van dank aan elkeen afgesluit en verdaag.