Working Group Minutes / Archives / Canola / 8 Februarie 2007

Notule

Canola- en Lupienwerkgroepvergadering

gehou op 8 Februarie 2007 te Elsenburg



  1. Opening en verwelkoming

    Mnr Scholtemeijer open die vergadering met gebed. Hy verwelkom almal teenwoordig, veral mnr D van der Merwe van YARA (WK).

    Besluit dat K2 Agrisaad versoek word om 'n verteen­woordiger op die Werkgroep aan te wys.

  2. Presensie

    Teenwoordig

    Mnr GJH Scholtemeijer PNS (Voorsitter)
    Dr M Griessel PNS
    Dr J de Kock PNS
    Mnr H Agenbag PNS Wes-Kaap
    Mnr P Lombard DLWK
    Mnr H Cerfonteyn DLWK
    Mnr C van Rooyen DLWK Caledon
    Mnr I Slabbert DLWK Moorreesburg
    Mnr W Hoffmann DLWK
    Mnr G van Coller DLWK
    Me L Smorenburg DLWK
    Dr M Hardy DLWK
    Mnr D van der Merwe YARA (WK)
    Mnr D Koch CBK
    Mnr JJ Bester GSA
    Mnr K Schonken GSA
    Mnr P Laubscher Overberg Agri
    Mnr C Cumming Bayer Crop Science
    Mnr J Botes Agricol
    Mnr JCG van Niekerk MKB
    Mnr J Loubser Nova Voere
    Prof A Agenbag US
    Dr S Lamprecht LNR-NIPB
    Dr G Tribe LNR-NIPB
    Dr A Nel LNR-IGG
    Me L van Zyl Sekretariaat

    Verskonings

    Dr I Trautmann DLWK
    Dr J Booysen DLWK
    Dr T Brand DLWK
    Me A Swanepoel DLWK
    Mnr G Conradie DLWK Moorreesburg
    Mnr A Haasbroek Kaap Agri
    Mnr JJ Bruwer SSK
    Mnr J Lusse Overberg Agri
    Mnr J McDermott Du Pont
    Mnr H Kotzé Nova voere
    Mnr K Becker SOILL
    Dr N Kotzé Agricol
    Dr J Pieterse US
    Me A Enslin SAGIS
    Me R Beukes NDL-NOK
    Me F Hawkins NDL-NOK
  3. Personalia

    Geen.

  4. Vasstelling van sakelys

    • 7.7Super Canola kompetisie
    • 8.5Registrateur Wet 36
    • 11.3Interessante inligting op webblad
  5. Notule van die vergadering van 30 No­vember 2007

    Die notule van die vergadering gehou op 30 November 2006 word as gelese beskou en met die volgende wysigings goedgekeur word.

  6. Algemene oorsig

    1. Winterreënvalstreek

      1. Canola

        Swartland / Suid-Kaap

        Geen verdere inligting word rapporteer nie.

        Oos-Kaap

        PNS sal die inligting oor beoogde aanplantings in die Oos-Kaap opvolg en aan die vergadering rapporteer.

        Daar word rapporteer dat canola in 'n wisselbou-projek in Kwazulu-Natal ingesluit word (mielies na canola) en vordering rapporteer sal word.

        Voorsitter

      2. Lupiene

        Geen verdere inligting word rapporteer nie. Die vestiging van 'n formele mark vir lupiene bly 'n knelpunt. Verwys punt 6.4 van hierdie notule.

    2. Somerreënvalstreek

      Geen verdere inligting (insake canolaverbouing) word rapporteer nie.

    3. Weervooruitskatting

      Mnr Cerfonteyn verskaf die weervooruitskouing vir die periode Februarie tot Mei 2007. 'n Gemiddelde reënseisoen en vroeë winter word voorspel.

      Mnr Cerfonteyn

    4. Oesskatting

      Neem kennis dat daar volgens die NOK se sesde produksieskatting vir die 2006-seisoen 39 725 ton canola en 14 400 ton soetlupiene verwag word.

      Die vergadering bespreek weer die moontlikhede vir uitbreiding van canolaproduksie. Produsente besef die waarde van canola in die wisselboustelsel en 'n gunstige produsenteprys het die afgelope seisoen gerealiseer. Die gebrek aan nuwe cultivars, veral vir die natter gebiede, bly egter 'n knelpunt. Dit gee aanleiding daartoe dat produsente saad terughou.

      Die vergadering bespreek ook die moontlike toekomstige uitbreiding van lupienaanplantings. Die gevoel onder lede is dat 'n groter groei by lupiene as by canola verwag word. Die vestiging van 'n formele mark vir soetlupiene bly 'n knelpunt en moet nog aangespreek word. Daar word kennis geneem dat die PNS Raad van die standpunt uitgaan dat indien lupienproduksie ter aanvulling van plaaslike proteïenproduksie nie in die nabye toekoms aansienlik gaan verhoog nie, die PNS nie verder by die ontwikkeling van die produk betrokke gaan wees nie.

    5. SAGIS Inligting

      Die jongste markinligting soos deur SAGIS verskaf is vir kennisname by die sakelys aangeheg.

      Neem kennis van SAGIS se voorgestelde berekening van die invoerpariteitsprys vir canola.

      Besluit dat die voorstel ten opsigte van die invoerpari­teitsprys vir verdere bespreking na die Canola Bedryfs­komitee verwys word wat verder met die Werkgroep daaroor sal kommunikeer.

      Mnr Koch

    6. Prysvooruitskatting en Internasionale Mark­inligting

      Dr Griessel rapporteer oor die internasionale marksituasie. Weens die oprigting van etanolaanlegte is die inter­nasionale voorraad mielies op die oomblik baie laag. Dit het die prys van mielies laat styg en dus is oliesaadpryse ook opwaarts aangepas.

      Die jongste gelande prys van sojaboon-oliekoek (47% proteïen) in Kaapstad beloop R2 230 / ton. Wisselkoers = R7,20.

      1. Die afgeleide waarde van volvet canola is soos volg:

        Pluimvee (94%) R2 096
        Varke (100%) R2 230
        Suiwel (58%) R1 293

        Die relatiewe waarde van canola oliekoek is dus soos volg:

        Pluimvee (53%) R1 182
        Varke (65%) R1 450
        Suiwel (60%) R1 338
      2. Die relatiewe waarde van lupiene is soos volg

        L. albus (Esta) Pluimvee (75%)
        Suiwel (80%)
        R1 673
        R1 784
        L. angustifolious (Merrit) Pluimvee (53%)
        Suiwel (52%)
        R1 182
        R1 160
        L. luteus (Juno) Pluimvee (63%)
        Suiwel (73%)
        R1 405
        R1 628
      3. Produsentepryse

        Produsentepryse vir die nuwe seisoen is nog nie bekend nie.

  7. Navorsing

    1. Canola

      1. Nasionale cultivarproewe 2006

        1. Cultivarproewe Wes- en Suid-Kaap

          Neem kennis van die terugvoering insake cultivarevaluasie in Wes- en Suid-Kaap vir 2006 soos in die Januarie 2007 Canolafokus gepubliseer was.

          Besluit dat die resultate van die 2006 canola cultivar­proewe aanvaar word.

          Alhoewel die kommersiële opbrengste (gemiddeld 1,6 ton/ha) nie so hoog soos dié van die proewe (gemiddeld 2,3 ton/ha) was nie, is die prestasie van cultivars in beide gevalle in dieselfde rangorde. Die gebruik van voëlnette by die proewe het dit byvoorbeeld beskerm teen die wind­skade terwyl saadopbrengs by kommersiële produksies wel deur windskade beïnvloed is.

          Besluit dat die resultate van die 2006 olie- en ru-proteïeninhoud van canola in die Swartland en Suid-Kaap aan die vergadering rapporteer sal word wanneer dit beskikbaar is.

          Mnr Lombard

          Besluit dat Dr Nel die samevatting van die faktore wat 'n rol op olie-inhoud kan speel soos verkry uit sy navors­ingsdata en uit literatuur ter inligting by die notule sal aanheg.

          Dr Nel

        2. Canola cultivaraanbevelings onder besproei­ing in die somerreënval gebied

          Dr Nel verskaf 'n uittreksel van die resultate van die cultivarproewe in die somerreënval area onder besproeiing. Die omval van plante was 'n groter probleem as voëls en voëlnette is net by sekere persele gebruik. Geen Swartstam het voorgekom nie. Die seisoen se gemiddelde tempe­ratuur was baie gunstig vir saad opbrengs, die optimum temperatuur in die reproduktiewe stadium blyk in die omgewing van 23 Grade Celsius te wees. Die vroeër aanplantings (voor einde Mei) se opbrengs by al die lokaliteite was hoër as dié van die later aanplantings (10 tot 15 Junie).

          Die oesssekerheid van die cultivars wat in beide 2005 en 2006 verbou is, by verskillende opbrengspotensiale word ook aangedui. Oessekerheid is die onderste 90%-betroubaarheidsgrens van die regressie tussen 'n betrokke cultivar se opbrengste en proefgemiddelde opbrengste. Die oessekerheid van 'n cultivar by 'n sekere opbrengs­potensiaal is die minimum opbrengs wat daardie cultivar in nege uit die tien gevalle sal behaal en 'n betroubare maatstaf vir cultivarkeuse.

          Besluit dat Dr Nel die resultate ten opsigte van olie- en proteïenopbrengs in vergelyking met die verskillende temperature by die verslag sal insluit en dat die verslag dan by die notule aangeheg sal word.

          Dr Nel

      2. Bemesting

        1. Terugvoering vanaf Bemestingtaakspan

          Dr De Kock rapporteer dat die opdatering van die canolaverbouingsriglyne teen einde 2007 afgehandel sal wees en aan die bedryf beskikbaar gestel sal word.

          Die artikel oor stikstofbemesting sal binnekort gereed wees.

          Besluit dat die artikel oor stikstofbemesting in die Canolafokus en SA Graan gepubliseer moet word wanneer dit gereed is.

          Redaksie
          Prof Agenbag

          Daar is met Prof Agenbag ooreengekom dat die ontleding van grond- en blaarmonsters tydens verskillende groei­stadiums van plante by die stikstofbemestingsproef ingesluit sal word en die resultate daaruit verkry met die resultate uit die somerreënvalstreek gekoördineer sal word en verdere optrede ten opsigte van spoorelemente daarvolgens oorweeg sal word.

          Besluit dat ontleding van grond- en blaarmonsters tydens die volgende seisoen gedoen sal word en die resultate rapporteer sal word.

          Prof Agenbag
          Dr Nel

          Daar word ook rapporteer dat YARA (wat Kynoch vervang) die moontlikheid van die hervatting van (bemesting) navorsings­projekte oorweeg en dr De Kock die saak met hulle sal opvolg en terugrapporteer.

          Dr De Kock
          Mnr Van der Merwe

        2. Wisselbou-projek somerreënval gebied

          Dr Nel rapporteer dat die wisselbou-projek volgens skedule verloop.

          Besluit dat amptelike resultate van die wisselbou-projek in die somerreënval gebied afgewag word.

          Dr Nel

      3. THRIP-befondsing

        Prof Agenbag rapporteer dat die aansoek by die De­partement Handel en Nywerheid om THRIP befondsing vir canola-navorsingsprojekte in proses is. Prof Agenbag koördineer die aansoeke en die finale antwoord sal aan die vergadering rapporteer word.

        Prof Agenbag

      4. Saadbehandeling teen swamme en insekte by canola

        Neem kennis dat die aansoek om Cruiser as saad­behandelingsmiddel teen swamme en insekte te registreer, ingedien is en dit via Syngenta opgevolg sal word.

        Besluit dat vordering ten opsigte van die aansoek vir registrasie van Cruiser vir gebruik op canola aan die vergadering rapporteer sal word.

        PNS Sekretaris

        Daar word verder kennis geneem dat die resultate van die navorsing in dié verband gepubliseer is en ook via die PNS webwerf beskikbaar gestel word.

    2. Lupiene

      1. Nasionale cultivarproewe 2006

        Neem kennis dat die resultate van die 2006 cultivar­evaluasie in die Wes- en Suid-Kaap in die Januarie 2007 Lupino publiseer was. Besluit dat die resultate van die 2006 lupien cultivarproewe met dank aan die navorsing­span so aanvaar word.

        Besluit dat die resultate van die 2006 olie- en proteïen­inhoud van lupiene in die Wes- en Suid-Kaap aan die vergadering rapporteer sal word wanneer dit gereed is.

        Mnr Lombard

    3. Weerstandbiedende raaigras

      Besluit dat die terugvoering insake die navorsingstrategie ten opsigte van raaigrasweerstandbiedenheid via die Weerstandbiedend­heidswerkgroep (Dr Pieterse) afgewag word.

      Me Swanepoel

      Mnr Cumming rapporteer dat daar op 2 Maart 2007 'n simposium oor onkruiddoderweerstand in die Paarl gehou word. Daar sal gepoog word om die aanstelling van 'n voltydse koördineerder vir alle aktiwiteite rondom onkruid­doderweerstand te regverdig en te inisieer.

      Besluit dat terugvoering na aanleiding van die simposium oor onkruiddoderweerstand by 'n volgende vergadering rapporteer sal word.

      Mnr Cumming

    4. Pes- en plaagbeheer

      1. Stoppelbestuur van canola / swartstam

        Mnr Van Coller rapporteer dat populasiestudies ten opsigte van Swartstam (onder andere bepaling van die rasver­spreiding) in 2007 voortgesit word. Die gebrek aan siektetuine word as 'n leemte identifiseer en moet aangespreek word.

        Gedurende die afgelope seisoen is Swartstam op kool­gewasse in die Greyton omgewing geïdentifiseer. Dit is onseker of dit weens besmette ingevoerde saad of om 'n ander rede was. Mnr Van Coller sal die saak opvolg.

        Besluit dat vordering met die Swartstam-projekte deur­lopend aan die vergadering rapporteer sal word.

        Mnr Van Coller

      2. Monitering van insekte op canola

        1. Slakke

          Dr Tribe gee terugvoering oor die ondersoek na die voorkoms van insekte op canola. Die voorkoms van slakke vererger in koeler temperature en isopoda se voorkoms vererger in droër tydperke wanneer hulle die plante as waterbron benut. Die volledige verslag van die projek sal ter inligting gepubliseer word en 'n samevatting sal ook in die Canolafokus gepubliseer word.

          Besluit dat die monitering van insekte en slakke in 2007 herhaal sal word en Dr Tribe ook die voorkoms van duineslakke by die projek sal insluit. Terugvoering sal rapporteer word.

          Dr Tribe

        2. Stamboorders

          Daar word ook kennis geneem dat die inligting omtrent stamboorders (wat in die Suid-Kaap voorgekom het) soos verkry uit vorige navorsing deur Dr Tribe aan Mnr Lombard voorsien is.

          Besluit dat

          • Dr Tribe 'n opsomming van die inligting oor stam­boorders by die notule sal aanheg;
          • Die monitering van stamboorders gedurende die 2007 seisoen herhaal sal word en terugvoering rapporteer sal word.

          Dr Tribe

        3. Ruitrugmot

          Die besluit geneem tydens die vergadering van Februarie 2006, verwys, naamlik dat:

          • "die aangeleentheid rakende watter tipe navorsing in die Wes-Kaap oor die ruitrugmot gedoen moet word na die PNS-Tegnologiekomitee vir bespreking verwys moet word;
          • Inligting versamel moet word soos die beweging (vlugpatrone) wanneer en waar motte voorkom asook natuurlike vyande van die ruitrugmot";
          • Daar word aanbeveel dat 'n tussentydse geïntegreerde beheerstrategie ten opsigte van die ruitrugmot gedokumenteer en aan die bedryf gekommunikeer moet word.

          Besluit dat

          • Dr Tribe versoek word om die monitering van die ruitrugmot se voorkoms en vlugpatrone in die Wes- en Suid-Kaap by sy projek oor die monitering van insekte op canola in te sluit, waarnemings te dokumenteer en aan die Werkggroep daaroor te rapporteer;
          • Dr Tribe en Mnr Cumming in oorleg met Dr Kfir moet vasstel of die inligting oor die beheer van die ruitrugmot nog relevant is en dat die jongste relevante inligting by die produksieriglyne vir canola ingesluit moet word.

          Dr Tribe
          Mnr Cumming
          Dr De Kock

    5. Biobrandstowwe

      Die Regering se beleid ten opsigte van die vervaardiging van biobrandstowwe in Suid-Afrika word afgewag. Dr Troskie is versoek om die bedryf op hoogte te hou van vordering met onderhandelings.

      Dr Troskie

    6. Voorkoms en beheer van sclerotinia

      Alhoewel Sclerotinia naas Swartstam die tweede belang­rikste canolasiekte ter wêreld is, kom dit min in Suid-Afrika voor en is min inligting plaaslik daaroor beskikbaar. Daar word wel in die sojaboonbedyf glashuisproewe en veld­proewe ten opsigte van Sclerotinia gedoen. Dit is onseker of dit 'n saadgedraagde siekte is, dus word produsente deurlopend versoek om nie teruggehoude saad te gebruik nie.

      Besluit dat 'n kenner oor Sclerotinia genooi word om tydens 'n volgende vergadering meer toeligting oor die siekte te gee.

      Voorsitter

    7. Super Canolakompetisie

      Die verslag van die Suid-Kaap Canolakompetisie word aan lede voorsien.

      Daar word kennis geneem dat Wessel Broers as die wenner aangewys is met 'n opbrengs van 2,05 ton/ha asook die beste bruto marge van R2 654/ha. Mnr Andrew Beukes was tweede.

      Die wenners van die Swartlandkompetisie sal tydens die SKOG Voorsaai Inligtingsdag aangekondig word.

      Mnr Slabbert

  8. Tegnologie-oordrag

    1. Canolafokus

      Die jongste uitgawe van die Canolafokus het in Januarie verskyn. Neem kennis dat die volgende sake vir publikasie in komende uitgawes oorweeg word, naamlik:

      • Insekte op canola – terugvoering deur Dr Tribe;
      • Dr De Kock se verslag van oorsese reis; en
      • Artikel oor stikstofbemesting – Prof Agenbag.

      Daar word kennis geneem dat Agricol nie met die versending van die nuusbriewe behulpsaam kan wees nie. Daar is voorlopig ooreengekom dat die nuusbriewe elektronies aan landboubesighede voorsien sal word wat dit weer aan hulle lede kan deurgee. Gedrukte kopieë sal steeds beskikbaar wees vir persone wat nie toegang tot internet het nie.

      Redaksie

    2. Lupino

      Die jongste uitgawe van die Lupino het in Januarie verskyn. In die Maart uitgawe word die verbouingspraktyke vir lupiene aan­gespreek.

      Redaksie

    3. Inligtingsdae 2007

      1 Maart Overberg Agri Voorsaai Inlig­tingsdag
      2 Maart Simposium oor Onkruiddoder­weerstand
      13 Maart SKOG Voorsaai Inligtingsdag
      9-11 Augustus Canolafees, Swellendam
      22 en 23 Augustus Besigtiging van cultivarproewe
      29-31 Augustus Agri Megaweek Bredasdorp
      13 September Riversdal Boeredag
      19 September Overberg Agri Boeredag (Roode­bloem)

      Neem kennis dat die Augustus vergadering van die Werk­groep se datum onveranderd bly, naamlik 16 Augus­tus 2007.

    4. Kommunikasie van navorsingsresultate

      Neem kennis dat die PNS Raad van mening is dat navorsingsresultate so effektief moontlik en so wyd moontlik aan die bedryf rapporteer word (wetenskaplike en populêre publikasies, bestuursopsommings, boeredae ens.). Die saak word as afgehandel beskou.

    5. Registrateur Wet 36 (Fertilizers, Farm feeds, Agricultural remedies and Stock remedies Act)

      Neem kennis dat daar groot kommer heers omdat daar weens die gebrek aan 'n toksikoloog op die oomblik geen registrasies van chemiese middels onder Wet 36 afge­handel kan word nie. AVCASA is in die proses om die saak dringend met die Registrateur van Wet 36 op te volg en sal terugvoering rapporteer.

      Die chemiese bedryf is verder in die proses om riglyne / aanbevelings ten opsigte van noodregistrasies (wanneer 'n bedryf weens die gebrek aan tyd vir die nodige plaaslike proewe versoek dat 'n chemiese middel wat elders in die wêreld geregistreer is, tydelik plaaslik geregistreer kan word totdat plaaslike proewe afgehandel is) en "minor crop use" registrasies (wanneer die omvang van 'n bedryf te klein is om proewe ekonomies te regverdig en daar op grond van buitelandse resultate vir kwytskelding van sekere voorwaardes onder Wet 36 aansoek gedoen word) op te stel en dit met die Registrateur sal opvolg.

      Besluit dat terugvoering van onderhandelings met die Registrateur van Wet 36 oor onderskeidelik die aanstelling van 'n toksikoloog en riglyne vir noodregistrasies en "minor use" registrasies aan die vergadering rapporteer sal word.

      Mnr Cumming

  9. Behoeftes van

    1. Mark – Canola

      1. Statutêre Graderingsregulasies

        Neem kennis dat geen terugvoering rapporteer kan word nie. Die Departement Landbou (Kwaliteitstandaarde Komi­tee) se reaksie op die voorgestelde graderingsregulasies word afgewag. GSA sal dit opvolg en via die CBK terug­rapporteer.

        Besluit dat terugvoering insake die aansoek vir statutêre graderingsregulasies vir canola afgewag word.

        Mnr Koch
        Mnr Hawkins

    2. Mark - Lupiene

      Verwys punt 6.4 van hierdie notule.

    3. Produsente – Canola

      Geen verdere inligting is beskikbaar nie.

    4. Produsente – Lupiene

      Geen verdere inligting is beskikbaar nie.

  10. Saad

    1. Canola

      Daar word rapporteer dat genoeg saad beskikbaar is.

    2. Saad – Lupiene

      Daar word rapporteer dat genoeg saad beskikbaar is.

  11. Ander sake

    1. Studietoer na Australië

      Neem kennis dat die verslag van die studietoer na Australië via die webwerf beskikbaar gestel sal word wanneer dit gereed is.

    2. Radiopraatjies 2006

      Neem met dank kennis van die bundel radiopraatjies soos dit gedurende 2006 uitgesaai is.

    3. Interessante inligting op webwerf

      Lede word genooi om die PNS webwerf te besoek en van die inligting gebruik te maak.

  12. Datums van volgende vergaderings

    • 12 April 2007
    • 13 Junie 2007
    • 16 Augustus 2007
    • 22/23 Augustus 2007 – besigtiging van cultivarproewe
    • LW – datum verander: 29 November 2007
  13. Afsluiting

    Die vergadering word na 'n woord van dank afgesluit en verdaag.