Revised area planted estimate and first production forecast for summer crops (2026) and the final production estimate for winter cereals (2025)

---

Hersiene oppervlakte- en eerste produksieskatting vir somergewasse (2026) en die finale produksieskatting vir wintergewasse (2025)

Somergewasse – 2026

Kommersiële mielies

Die hersiene skatting van die oppervlakte onder mielies beloop 2 716 200 ha, wat 4,60% of 119 500 ha meer is as die 2 596 700 ha wat verlede seisoen aangeplant is, en 1,57% of 42 000 ha meer as die voorlopige oppervlakteskatting van 2 674 200 ha soos vry­gestel in Januarie 2026.

Die verwagte kommersiële mielie-oes is 16 126 350 ton, wat 3,15% of 523 650 ton minder is as die 16 650 000 ton van die vorige seisoen (2025). Die opbrengs van mielies is 5,94 t/ha.

Die oppervlakte beplant syfers is hoofsaaklik verkry vanaf die Produsente Onafhanklike Oesskattingstelsel (PICES), soos deur die Nasionale Oesskattingskonsortium gerapporteer vir Vrystaat, KwaZulu-Natal, Mpumalanga, Limpopo, Gauteng en Noordwes provinsies.

Neem kennis dat inligting van die objektiewe opbrengs-opname van die Konsortium vir die Mpumalanga provinsie, in April 2026 gerapporteer word en vir die Vrystaat en Noordwes provinsies in Mei 2026. Die huidige opbrengs syfers is hoofsaaklik verkry vanaf produsente in die verskillende provinsies.

Die oppervlak onder witmielies is 1 644 700 ha, wat 'n toename van 2,81% of 45 000 ha verteenwoordig vergeleke met die 1 599 700 ha die vorige seisoen. Die produksieskatting van witmielies is 8 509 550 ton, wat 0,70% of 59 550 ton meer is as die 8 450 000 ton van die vorige seisoen. Die opbrengs van witmielies is 5,17 t/ha.

In die geval van geelmielies is die oppervlakteskatting 1 071 500 ha, wat 7,47% of 74 500 ha meer is as die 997 000 ha geplant die vorige seisoen. Die produksieskatting van geelmielies is 7 616 800 ton, wat 7,11% of 583 200 ton minder is as die 8 200 000 ton van die vorige seisoen. Die opbrengs van geelmielies is 7,11 t/ha.

Ander somergewasse

Sonneblomsaad: Die hersiene oppervlakteskatting vir sonneblom­saad is 569 600 ha, wat 2,50% of 13 900 ha meer is as die 555 700 ha aangeplant die vorige seisoen. Die produksieskatting vir sonneblomsaad is 754 475 ton, wat 7,78% of 54 475 ton meer is as die 700 000 ton van die vorige seisoen. Die verwagte opbrengs is 1,32 t/ha.

Ander gewasse

Die geskatte oppervlakte beplant met sojabone is 1 212 500 ha, wat 'n toename van 5,34% of 61 500 ha verteenwoordig vergeleke met die 1 151 000 ha geplant die vorige seisoen. Die produksie­skatting is 2 661 425 ton, wat 4,95% of 138 5775 ton minder is as die 2 800 000 ton van die vorige seisoen. Die verwagte opbrengs is 2,19 t/ha.

Vir grondbone is die oppervlakteskatting 44 450 ha, wat 7,64% of 3 675 ha minder is as die 48 125 ha geplant vir die vorige seisoen. Die verwagte grondbone-oes is 65 238 ton – 2,98% of 1 888 ton meer as die 63 350 ton van die vorige seisoen. Die verwagte opbrengs is 1,47 t/ha.

Die oppervlakteskatting vir sorghum het effens toegeneem met 0,85% of 350 ha, van 41 150 ha tot 41 500 ha teenoor die vorige seisoen. Die produksieskatting van sorghum is 131 888 ton – 12,08% of 18 113 ton minder as die 150 000 ton van die vorige seisoen. Die verwagte opbrengs is 3,18 t/ha.

Vir droëbone is die geskatte oppervlakte beplant 40 400 ha, wat 11,44% of 5 220 ha minder is as die 45 620 ha geplant vir die vorige seisoen. Die produksieskatting is 78 594 ton, wat 13,21% of 11 962 ton minder is as die 90 556 ton van die vorige seisoen. Die verwagte opbrengs is 1,95 t/ha.

Neem asseblief kennis dat die tweede produksieskatting vir somergewasse vir 2026, op 26 Maart 2026 vrygestel sal word.

Inligting is beskikbaar aanlyn by die Department of Agriculture, Land Reform and Rural Development of by SAGIS, vanaf 14:30 op die dag van die toepaslike vergadering van die Oesskattings­komitee.

Wintergewasse – 2025

Koring

Die finale produksieskatting van koring is 1,897 miljoen ton, wat 1,81% of 34 900 ton minder is as die vorige skatting van 1,932 miljoen ton. Die verwagte opbrengs is 3,67 t/ha.

Die produksie in die Wes-Kaap is 980 100 ton (52%), wat onveranderd is van die vorige maand se skatting. In die Noord-Kaap word verwag dat 300 000 ton (16%) geproduseer is, wat 2,60% of 8 000 ton minder is as die vorige maand se skatting. In die Vrystaat is die produksie 265 050 ton (14%), wat 14 250 ton minder is as die vorige maand se verwagte oes van 279 300 ton.

Die oppervlakteskatting vir koring is 517 300 ha, waarvan 'n geraamde 363 000 ha of 70% in die Wes-Kaap geplant is, 57 000 ha of 11% in die Vrystaat en 40 000 ha of 8% in die Noord-Kaap.

Ander gewasse

Die produksieskatting vir gars is verlaag met 1,23% of 4 300 ton na 346 430 ton. Die oppervlakte beplant word beraam op 96 950 ha, terwyl die verwagte opbrengs 3,57 t/ha beloop.

Die canola-oes is 309 035 ton, wat 0,90% of 2 815 ton minder as verlede maand se oes van 311 850 ton. Dit is die grootste canola-oes op rekord. Die oppervlakteskatting vir canola is 174 515 ha, met 'n verwagte opbrengs van 1,77 t/ha.

Die oes vir hawer vir die 2025-seisoen is onveranderd gelaat op 45 143 ton. Die oppervlakteskatting is 35 520 ha. Die verwagte opbrengs is 1,27 t/ha.

In die geval van soetlupine is die produksieskatting 17 850 ton, wat 5,56% of 1 050 ton minder is as die vorige maand se verwagte oes van 18 900 ton. Die oppervlakte beplant met soetlupine is 21 000 ha, en die verwagte opbrengs is 0,85 t/ha.

Neem asseblief kennis dat die voornemens om wintergewasse te plant vir 2026 op 23 April 2026 vrygestel sal word.

Inligting is beskikbaar aanlyn by die Department of Agriculture, Land Reform and Rural Development of by SAGIS, vanaf 14:30 op die dag van die toepaslike vergadering van die Oesskattings­komitee.